Бүгін аудандық мәдениет үйінде аудан әкімінің орынбасары Бекәділ Жайкиннің төрағалығымен аудандық полиция бөлімінің бастығы Талғат Амерхановтың 2024 жылы атқарылған жедел – қызметтік жұмысының қорытынды есебі тыңдалды.
Аталмыш шараға аудан әкімінің орынбасары, кент, округ әкімдері, дербес бөлім басшылары, аудан ардагерлері және аудан тұрғындары қатысты.
Жиын барысында полиция бөлімінің бастығы Талғат Аманжанұлы аудан халқының қауіпсіздігі, қоғамдық тәртіпті қамтамасыз ету және құқық бұзушылық пен қылмыстардың алдын алу бағыты бойынша былтырғы жылы атқарылған бірқатар жұмыстар барысына баяндама жасады.
Сондай-ақ, полиция бөлімімен атқарылған жұмыс нәтижелеріне қысқаша тоқталып, одан әрі алдағы уақытта атқарылатын іс-шаралардың бағыты мен халықты толғандыратын өзекті мәселелерге тоқталып өтті.
Жиын соңында аудан тұрғындары тарапынан көкейтесті сұрақтар қойылып, полиция бөлімінің бастығы заңдылықтарға сәйкес жауап берді.
Г.Жұбанышқалиева
