Аудан әкімдігінің үлкен мәжіліс залында «Алтын және күміс» алқа иегерлерін марапаттау шарасы өтті.
Салтанатты шарада аудан әкімінің орынбасары Әсел Шайзадақызы отбасының алтын діңгегі болып, ізгі дәстүрлер сабақтастығын жалғап, ұрпаққа тағылымды тәрбие беру жолында аналарға ізгі тілегін жолдап, қажымас қайрат тіледі.
Сондай-ақ, ұрпақ санын арттырып, еліміздің демографиялық ахуалын жақсартуға қосқан үлестері үшін ардақты аналарға алғыс айтып, «Алтын» және «Күміс» алқаларын табыс етті.
Олардың қатарында Ләззат Уақбаева, Индира Бисенғалиева, Гүлфайруз Имағамбетова, Жамилия Исанова, Назгүл Сағындықова алтын алқамен, Клара Палуаниязова, Нұрайна Мырзақұл, Ағилаш Сейітқалиева, Альбина Сариева, Бибігүл Төлегенова, Айгүл Барышева, Жайнагүл Есімова, Нұргүл Ересенова, Гаухар Жұбанова, Камилия Ажуова, Айнагүл Құбашева күміс алқамен марапатталды.
Ә.ҚАСЫМ
Сурет автордікі
