Бүгінде ауданымызды көгалдандыру мақсатында қарқынды жұмыстар жүзеге асуда. Осы ретте апта сайын тазалық жұмыстары жүйелі түрде жүргізіліп, оған бірқатар мекемелер атсалысып келеді. Округ, кент аумақтарында жыл сайын ағаш көшеттерін және гүл отырғызу да үрдіске айналған.
Осы мақсатта аудандағы орталық көшелер мен аудан әкімдігінің маңындағы гүлзарларға питуния мен нокаут гүлдерін егу жұмыстары басталды. Жалпы аудан орталығына 2000-ға жуық гүл егілмек. Одан бөлек, көшеге көрік беретін гүлді суару жұмыстары да қолға алынған.
Осындай жұмыстар ауданның келбетін ажарландырып, көріктендіре түсері анық.
Өз тілшіміз
