Бүгін күллі мұсылман қауымы үшін қасиетті саналатын құрбан айт мейрамы басталды.
Аудандық орталық мешітінде таң сәріден айт намазы оқылып, құрбандық шалынды. Мешітке жиналған жамағат дұға жасап, мұсылмандық парыздарын орындады.
Айт намазы оқылып болған соң, жұртшылық мешіт ауласында тігілген киіз үйдегі дастарханнан дәм ауыз тиді. Осы ретте, аудандық орталық мешіттің бас имамы Біләл Сағындықов жиналған қауымға ақ тілегін жеткізіп, айтулы мерекенің маңыздылығын жеткізді.
Айта кетейік, құрбан айт мерекесінде әртүрлі мәдени-спорттық шаралар ұйымдастырылып, әлеуметтік осал топтағы жандар үшін қайырымдылық жасалды.
Ә.Қасым
