Жақында Атырау қаласында Атырау облысы Білім беру басқармасы «Таланттарды анықтау және қолдау орталығының» ұйымдастыруымен «Идея. Мотивация. Жетістік» атты тамыз кеңесі өтті.
Тамыз кеңесінде 2023-2024 оқу жылы қорытындыланып, облыстық, республикалық, халықаралық байқаулар мен олимпиадалар нәтижесіне сәйкес, «Үздік ұстаз-2024», «Үздік оқушы-2024», «Үздік мектеп-2024» номинацияларының иегерлері анықталды.
Нәтижесінде, М.Баймұханов атындағы орта мектебі «Үздік мектеп-2024» номинациясымен марапатталып, Атырау облысы бойынша үздік 20 мектептің қатарынан көрінді.
Осылайша, шәкірт тәрбиелеу жолында атқарған еңбектері жоғары бағаланған М.Баймұханов атындағы орта мектебін 2023-2024 оқу жылын сәтті қорытындылап шықты.
Б.Қасымова
