Ауданда 28 қаңтар – 3 ақпан күндері «Заң мен тәртіп» жобасы аясында «Қауіпсіз аула» жедел профилактикалық іс-шарасы өткізілді.
Іс-шараның негізгі мақсаты – ішкі істер органдарының профилактикалық есебінде тұрған азаматтарды тексеру, қылмыстарды ашу, сондай-ақ қоғамдық орындарда жасалатын ұсақ құқық бұзушылықтарды анықтау және олардың алдын алу.
Профилактикалық іс-шара барысында полиция қызметкерлері көпқабатты тұрғын үйлердің аулалары мен қоғамдық орындарды аралап, тұрғындармен түсіндірме жұмыстарын жүргізді.
Сондай-ақ, профилактикалық есепте тұрған азаматтардың тұрғылықты мекенжайлары тексеріліп, олармен жеке профилактикалық жұмыстар жүргізілді.
Тұрғындарға құқық бұзушылықтардың заң аясындағы жауапкершілігі түсіндіріліп, қоғамдық тәртіпті сақтаудың маңыздылығы ескертілді.
Ж.ҚАМЗА
