Бүгін білім күні қарсаңында Президентіміз Парламент Палаталарының бірлескен отырысында «Халық бірлігі және жүйелі реформалар – ел өркендеуінің берік негізі» атты Жолдауын жариялап, Қазақстанның алдағы даму стратегиясын айқындап берді.
Егемендігіміздің 30 жылдығына айрықша тоқталған Мемлекет басшысы, Тәуелсіздік – біздің ең қастерлі құндылығымыз деп баса айтты. Тәуелсіздік деген сөз тілге жеңіл болғанымен ауқымы кең ұғым. Біртұтас ел болып, жаңа мемлекет құрғанымызды басты жетістікке балаған Қасым-Жомарт Кемелұлы жалаң ұран мен жалынды сөзге еріп бүтіндеймін деп бүлікке бастайтындардан аулақ болуға үндегендей. Біз үшін де, ел үшін де ең маңыздысы – әр азаматтың еркіндікті еркін сезіне алуы. Ал ол елдегі бейбіт өмір мен қоғамдағы тұрақтылықта көрініс таппақ. Сондай-ақ, Президент бастамалары жастарды болашаққа нық сеніммен қарауға жетелейді деп сенемін.
Ә.ҚАРЖАУОВА
«Нұр Отан» партиясы аудандық филиалы төрағасының бірінші орынбасары
