Бүлдіршіндер ұясы «Болашақ» бөбекжай балабақшасында «Сиқырлы күз» ертеңгілігі өтті. 

Мерекеге балалар үлкен дайындықпен келіпті. Кейбірі ән салып, би билесе, енді біреулері жеміс-жидектер туралы өлеңдер оқып, мерекенің мазмұнын аша түсті. Ересек «Күншуақ» тобының тәрбиешілері Жайнагүл Жанжігітқызымен Динара Зейноллақызы бүлдіршіндерді  сезімталдыққа, сыпайылыққа, еңбекқорлыққа тәрбиелейтін әңгімелерді айтып кешті жүргізіп тұрды.

Кеште бүлдіршіндер балалық тәтті қылықтарымен бірі күз болып, бірі жапырақ болып өнер көрсетіп, былдырлаған тілдерімен тақпақ оқыды. Сырлы әуендерге билеген  бүлдіршіндер қызықты да көңілді тақырыптық қойылымдар қойды. Бірі қияр, бірі қызанақ болған періште көңіл бүлдіршіндер кештің шырайын келтірді. Боямасыз нәзік қылықтарымен кештің әсерлі өтуіне атсалысты.

А.ТАУМҰРЫНОВА,

ата-ана