Аудандық орталық кітапхана қоры жаңа кітаптармен толықты. Оқырмандардың кітапханадан сан алуан қызықты, тартымды кітаптар топтамасымен танысып және үйге алып оқуға мүмкіндігі бар.
Қорға түскен кітаптар сан саланы қамтиды. Атап айтсақ, И.Сапарбайдың «Әлем, әйел және мен» жинағы, З.Телеуованың « Бетперде» атты шытырман оқиғалы көркем әдебиеті, жергілікті қаламгер Б.Бабаштың «Айсезім» өлеңдер жинағы, Ж.Оспанның «Бұлақ басынан тұнады» жинағы, Е.Әлімжанның «Алтын жүлге жыры» романы, Ж.Шаштайұлының «Толық шығармалар жинағы» І, ІІ томы, А.Әбдірәсілқызының «Тәңірі сипат тіршілік» атты кезекті жыр жинағы, М.Әуезовтың «Таңдамалы шығармалары» І томы, Д.Чилдибаев, М.Аманбаеваның «Биология» балаларға арналған энциклопедиялық анықтамалық, А.Қияттың «Ұлы дала билеушілері: қазақ сұлтандарының тарихы мен тағдыры» монографиясы, орыс тілінде Л.Шашкованың «На восход света» өлеңдер жинағы және т.б көптеген кітаптар оқырмандар назарына ұсынылуда.
Оқырмандарды жаңа кітаптар топтамасы қамтылған «Жаңа әдебиеттер» көрмесімен танысуға, кітап оқуға шақырамыз! Сіздер үшін кітапхана есігі әрдайым ашық.
А.ТАУМҰРЫНОВА,
аудандық кітапхананың ақпараттық-библиографиялық қамтамасыз ету бөлімінің библиографы
