Ашық әкімдік ғимаратында аудан әкімі Азамат Мәмбетов шахматтан балалар мен жасөспірімдер арасында өткен облыстық чемпионатқа қатысушы шахматшыларды қабылдады.
Қабылдау барысында аудан басшысы облыстық чемпионатқа қатысып, аудан абыройын арттырып, аудандағы білім деңгейінің дамуына өлшеусіз үлес қосқан шахматшыларға арнайы алғысын білдірді.
Сондай-ақ, алдағы уақытта өтетін республикалық кезеңде жүлделі орын иеленулеріне сенім білдіріп, аудан әкімінің арнайы алғыс хаты мен қаржылай сертификатын табыс етті.
Сонымен қатар, ауданның әлеуметтік-экономикалық және білім саласының дамуына қосқан елеулі үлесі үшін шахмат ойындарының бапкері Мейрамбек Ғинаятовқа арнайы алғыс хат табыстады.
Өз кезегінде жас шахматшылардың бапкері аудан әкіміне алғысын айтып, ризашылығын жеткізді.
Ә.Қасым
