Энергетика Министрлігінің 150-ден астам мерейтойлық медалі өз өмірін теңіз жер қойнауын игеруге арнаған ардагер мұнайшыларға берілді.
ТШО бас кеңсесінде қазақстандық мұнай өнеркәсібінің 125 жылдығын мерекелеу салтанаты өтті. Іс-шара сала ардагерлерін, жас мамандар мен мемлекеттік органдардың өкілдерін жинады.
Басты оқиға - наградтау рәсімі болды, онда мұнайшылардың ғана емес, өз өмірін Қазақстанның жер қойнауын игеруге арнаған геологтар мен гидрогеологтардың да жетістіктері атап өтілді.
Марапаттау рәсімі аясында мұнайшылар Энергетика министрлігінен 152 мерейтойлық медаль, "Kazenergy" қауымдастығынан 7 мерейтойлық медаль, ТШО-ның 16 қызметкері ҚР Энергетика министрлігінен ведомстволық наградалар алды.
Марапатталған 15 сала ардагерлерінің арасында - 1993 жылы ТШО компаниясына жұмысқа орналасқан Мұхит Әбілғазиев бар. Ол 1985 жылдан бастап Теңіз кен орнын игеруге қатысты.
Құрметті демалысқа шыққанға дейін өндірістік және нормативтік-құқықтық бөлімдерді басқарды, содан кейін 2017 жылы зейнетке шықты.
- Бұл мен үшін өте жоғары марапат, зейнеткерлікке шыққаныма қарамастан, компания басшылығы бізді ұмытпайды. Мен компанияда 25 жылға жуық жұмыс істедім. Ұлым менің ізімді жалғады. Еңбек жолының басында, әрине, қиын болды, бірақ уақыт өте келе жағдай жақсарды, - дейді Мұхит Әбілғазиев.
ТШО бас директоры Кевин Лион мұнай және геология салаларының ел экономикасына баға жетпес үлесін атап өтті. Сондай-ақ, мұнай өнеркәсібін дамытудың бастауында тұрған және геологиялық зерттеулерге үлес қосқан сала ардагерлеріне ризашылығын білдірді.
⁃ ТШО ардагерлерін ерекше атап өткім келеді. Ардагерлердің жанқиярлықпен жұмыс істеген жылдарыңыз бүгінгі күннің берік негізін қалады. Ардагерлер білімімен бөлісті, жас қызметкерлерімізді бағыттады және компаниямыздың болашағын қалыптастыруға көмектесті. Қажырлы еңбегіңіз үшін және әлемдегі техникалық тұрғыда ең күрделі кен орындарының бірін ашуға және игеруге деген адалдығыңыз үшін шын жүректен ризашылығымды қабыл алыңыз" деді ол.
Бүгінгі таңда ТШО ұлттық кадрлардың мүмкіндіктерін кеңейтуге 100 миллион АҚШ долларынан астам инвестиция салды. Осы қызметтің нәтижесінде 2007 жылдан бастап 460-тан астам қазақстандық шетелдік қызметкерлерді алмастырды.
