Ұлыстың ұлы күні қарсаңында жанымызды жадыратар жақсы амалдар жалғасын табуда. Жақсы сөз бен жай ғана жымиып қараудың өзі қам көңіл жандарға жылу сыйлары сөзсіз. Әз-Наурыздың тұсында жалғыз басты жандарға жомарттық таныта білген ұжымның бірі “Гате Иншаат” компаниясы.

Олар зейнеткерлер мен мүгедектерге әлеуметтік көмек көрсету аумақтық орталығы КММ-нің үй жағдайында қызмет көрсетілетін жалғыз басты 50 қарияның үйіне азық-түлік таратты.

Мерекелік көңіл күймен шат-шадман болған қарттарымыз жомарт жандарға өз алғыстарын білдіріп, қарымтасын ақ батамен қайтарды.

А.САДЫКОВ