Мектеп жанындағы лагерьлердің әр күні қызыққа толы. Бір күн спортқа арналса, келесі күндер өнерге, кітапханаға бару, өзге де саяхаттарға толы.
Х.Санбаев атындағы орта мектеп жанындағы лагерь апта ішінде аудандық полиция бөлімінде болып, полицейлердің бір күндік жұмысымен танысты.
Аудандық полиция бөлімінің кәмелетке толмағандар істері жөніндегі инспекторы Кәмшат Серікбаева экскурсияның маңыздылығы сол - әр бала полицейлердің негізгі қызметін, қорғау сөзінің мағынасын анық ұғынуына септігін тигізеді. Әрі қоғамдық тәртіп, жалпы құқық бұзушылықтың салдары жөніндегі түсінік алуға өзіндік әсері бар дейді.
Полицейлердің жұмыс кабинеттерінде болған демалушылар өздерін қызықтырған сауалдарына жауабын алды.
Е.МЫРЗА.
