Атырау облысының тұрғынынан 4 келі марихуана тәркіленді, деп хабарлайды ҚазАқпарат ІІМ-не сілтеме жасап.
12 желтоқсанда Махамбет ауданы Бейбарыс ауылында орналасқан шаруа қожалығында Атырау облысы ПД ҰҚҚІҚБ және ЕҚҚБ қызметкерлері құрамында есірткі бар өсімдіктерді заңсыз өсірумен айналысқан 36 жастағы ер адамды анықтады.
«Тәртіп сақшылары екі пакетке оралған 7 қарасора бұтасы мен 4 келі марихуананы тәркіледі. Осы факті бойынша Қылмыстық Кодекстің 300-бабының 1-бөлігі бойынша сотқа дейінгі тергеу басталды», - деп жазды ведомстводан.
