Аудандық мәдениет үйінде «Күзгі әуен» атты Нұрмұхан Жантөрин атындағы Атырау облыстық филармониясының эстрадалық-үрлемелі аспаптар оркестрінің шығармашылық кеші өтті.
Кеште алдымен сөз алған аудан әкімі Азамат Мәмбетов облыстық эстрадалық-үрлемелі аспаптар оркестрінің қазақ өнеріне қосқан үлесі өлшеусіз екендігін айтып, атылмыш ұжымға шығармашылық табыс тіледі.
Сондай-ақ, қазақ мәдениеті, көркем өнері, дала сазы мен ерекше аспаптарын әлемге танытып жүрген оркестрге аудан әкімінің арнайы алғыс хаты мен естелік сыйлығы табыс етілді.
Әрі қарай Н.Жантөрин атындағы Атырау облыстық филармонияның эстрадалық-үрлемелі аспаптар оркестрінің концерттік бағдарламасы көрермен назарына ұсынылды.
Ә.ҚАСЫМ
