Аты жаман індеттің өзгерген түрі пневмония аудан тұрғындарын да әбігерге салуда. Соңғы ақпараттарға сүйенсек, аудан көлемінде өкпе қабынуымен ауырғандардың қатары артуда.
Қазіргі таңда аудандағы провизорлық стационарларда 51 науқас пневмониядан ем қабылдап жатыр. Оның ішінде, Мақат кентінің провизорлық стационарында 15 адам, Доссор кентінің провизорлық стационарында 17 адам, Мақат аудандық орталық ауруханасының жұқпалы аурулар бөлімінде 19 адамға ем жүргізілуде.
Өкінішке орай бүгінгі таңда аудан бойынша 7 адам пневмониядан, 2 адам коронавирустан көз жұмды.
Айта кететіні, көрсеткіш халықтың бейқамдығынан көтеріліп отыр. Сондықтан сақтық шараларын қатаң ұстанып, жақындарымызға жанашырлық танытайық!
М.Серікқызы
Сурет: ашық дереккөз
