«Атырауға тағы да аса қажетті дәрі-дәрмектің тағы да ауқымды топтамасы жеткізілді», - деп хабарлайды Атырау коммуникациялар қызметі.

Медициналық препараттардың 470 түрі бүгін Алматыдан әкелінді. Ертеңнен бастап қаладағы дәріханаларға таратылады.

Ал аудандарға сәрсенбі мен жұма аралығында жеткізіледі. Фармацевтикалық компания директоры Светлана Липатованың сөзінше, жұма күні Алматыдан Атырауға тағы да дәрі-дәрмек келеді. Олар коронавирустан емдеуге арналған медициналық препараттар болмақ.