А.Құнанбаев атындағы орта мектебінің базасында жалпы білім беретін мектеп оқушылары арасында аудандық «Ақберен» өнер байқауы өтті. Республикалық өнер байқауының аудандық кезеңіне 8-11 сынып оқушыларынан 28 қатысушы бақ сынады. Сайыс «Шешендік, білгірлік сайысы», «Көркемсөз оқу», «Эссе жазу», «Ұлттық аспапта өнер көрсету», «Ақындар мүшәйрасы» секілді бес номинация бойынша ұйымдастырылды.
Байқаудың мақсаты шығармашыл оқушылардың гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқырлық қырын, дарындылығын таныту, олардың шығармашылық қабілеттеріне қолдау көрсетіп, әрі қарай дамытуына жол ашу болды.
Тартысты өткен сайыс қорытындысында «Шешендік, білгірлік сайысы» номинациясы бойынша С.Шарипов атындағы мектеп-интернатының 11 сынып оқушысы Арайлым Оңғарша І орын, Х.Санбаев атындағы орта мектебінің 8 сынып оқушысы Ақзер Жайлыбай ІІ орын, Бәйгетөбе мектеп-бөбекжай кешенінің 9 сынып оқушысы Тұрсынгүл Беркін алғыс хатқа ие болды. Ал «Көркемсөз оқу» номинациясы бойынша Б.Қанатбаев атындағы орта мектебінің 9 сынып оқушысы Жангүл Қазиқызы І орын, Х.Санбаев атындағы орта мектебінің 8 сынып оқушысы Ұлжан Құрал ІІ орын, М.Баймұханов атындағы орта мектебінің 9 сынып оқушысы Зере Бейбіт ІІІ орын, О.Сарғұнанов атындағы орта мектебінің 11 сынып оқушысы Ажар Әліп алғыс хатпен марапатталды. Сондай-ақ «Эссе жазу» номинациясы бойынша Х.Санбаев атындағы орта мектебінің 11 сынып оқушысы Гүлдана Қабыл І орын, Б.Қанатбаев атындағы орта мектебінің 11 сынып оқушысы Амина Аманкелді ІІ орын, Л.Шахатов атындағы орта мектебінің 11 сынып оқушысы Іңкәр Хамидолла ІІІ орын, А.Құнанбаев атындағы орта мектебінің 9 сынып оқушысы Дильназ Сағындыққызы алғыс хатқа лайықталды. «Ұлттық аспапта өнер көрсету» номинациясы бойынша Б.Қанатбаев атындағы орта мектебінің 10 сынып оқушысы Арсен Аманкелді І орын, М.Баймұханов атындағы орта мектебінің 9 сынып оқушысы Інжу Терекбай ІІ орын, С.Шарипов атындағы мектеп-интернатының 9 сынып оқушысы Медина Жалғасбай ІІІ орын, Л.Шахатов атындағы орта мектебінің 9 сынып оқушысы Дәулет Қарсақбаев және О.Сарғұнанов атындағы орта мектебі 9 сынып оқушысы Айым Сисенғали алғыс хатқа ие болды. «Ақындар мүшәйрасы» номинациясы бойынша Л.Шахатов атындағы орта мектебінің 11 сынып оқушысы Сағыныш Бекболат ІІ орын, С.Шарипов атындағы мектеп-интернатының 10 сынып оқушысы Қарақат Қабдеш ІІІ орын, М.Баймұханов атындағы орта мектебінің 11 сынып оқушысы Шәрбану Есмұрза және Б.Қанатбаев атындағы орта мектебінің 9 сынып оқушысы Гүлсезім Әбілхан алғыс хатты місе тұтты.
Әр номинация бойынша жеңімпаз атанған оқушылар облыстық кезеңге жолдама алды.
М.ІЗТҰРҒАНОВА
