№2 бастауыш мектебінде орналасқан №208 сайлау учаскесінде сайлау науқаны басталғалы бері байқаушылар қатарынан табылған «Дауыс» қоғамдық байқаушылар коалициясының байқаушысы Айнагүл Отарбаева сайлау талаптарға сай өтіп жатқандығын айтады.

“Мен сағат 6.00-ден бастап, №208 сайлау учаскесіндемін. Таңертеңнен бері сайлау учаскесіне дауыс беруге келген адамдардың қарасы қалың. Сондай-ақ, қоғамдық ұйымдар мен партиялардың барлық бақылаушылары дауыс беру барысын жіті бақылап отыр. Дауыс беру кезінде ешқандай ескертулер болған жоқ, бәрі әдеттегідей жүріп жатыр”,- дейді ол.

Айта кетейік, дауыс беру кешкі сағат 20:00-ге дейін жалғасады.