Апта ішінде «NСОС» компаниясының денсаулық, еңбек және қоршаған ортаны қорғау директоратының өкілдері Н.Ғиниятов, Э.Букаева, В.Айжарықова қызметтік іссапармен ауданымызға келіп, М.Баймұханов және Х.Санбаев атындағы орта мектеп оқушыларымен кездесу өткізді.
Кездесудің мақсаты – мектеп оқушыларына өрт қауіпсіздігін сақтау, оның алдын алу жолдары туралы мағлұмат беріп, түсінік жұмыстарын жүргізу.
Кездесу барысында көрнекі құралдар арқылы оқушылар мол түсінік алды. Оқушылар тарапынан сұрақтар қойылып, оларға ақпараттық-танымдық мағлұматтар берілді. «NСОС» компаниясы ауданның әлеуметтік саласының өркендеуіне жылма-жыл қолдау көрсетіп, ауқымды үлес қосуда. Осы орайда, компания қызметіне табыстар тілеген аудан әкімінің орынбасары Т.Нұрпейсов компания өкілдеріне мол алғысын білдіріп, алғыс хатпен марапаттады.
МАҚАТ АУДАНЫ ӘКІМДІГІ.