Мақат кентіндегі "Боздағын күткен ана" ескерткішіне де Жеңіс күнінің құрметіне мекемелер гүл шоқтарын қойды.

Ол жерде Х.Санбаев атындағы орта мектеп, Л.Шахатов атындағы орта мектеп, №2 бастауыш мектебі, Мақат стансасының ұжымдары және ескерткішке арналған жанның туыстары болды.

Жергілікті өлкетанушы Орақ Деңгелбаев гүл шоқтарын қоймас бұрын ескерткіштің тарихы туралы тоқталып өтті.

Айта кетейік, бұл ескерткіш II дүниежүзілік соғыста баласынан айырылған Сәнді Деңгелбайқызына қойылған.

Кейуана жалғыз ұлын майданнан 30 жыл бойы сарыла күткен. Алайда хабарсыз кеткен жалғызынан бір дерек ала алмастан, 95 жасында өмірден озыпты. Вокзал алдына орнатылған биіктігі 4 метрлік ескерткіште батысқа көз тастап телмірген ананың бейнесі сомдалған.

“МТ”