Бұл күні Мақат кентіндегі М.Баймұханов атындағы орта мектепте орналасқан № 204 сайлау учаскесі сағат 7.00.-де өз жұмысын бастап кетті.
Кезектен тыс Қазақстан Республикасы Президентін сайлауға алғашқылардың қатарында дауыс берген 89 жастағы Мизам Жолиманов болды. Ол ел үшін маңызды іске ерте тұрып келгенін өзінің азаматтық борышы санайды.
Ең жасы үлкен сайлаушы ретінде естелік сыйлық ұсынған сәтте де: «Бұл- менің азаматтық міндетім ғой» деп жауап берді.
Сондай-ақ, ақсақалдан соң бірер минут өткен сәтте сайлау учаскесіне аудан әкімі Жұмабай Қарағаев келіп, өз таңдауын жасады.
Жалпы ОСК дерегінше, Қазақстанда дауыс беруге құқығына ие 12 миллионға жуық сайлаушы болса, соның 1455 сайлаушысы №204 сайлау учаскесіне тіркелген.
Е.МЫРЗА,
суреттер автордікі