Атырау облысында көпбалалы аналарға, ерекше балаларды тәрбиелеп отырған аналарға және асыраушысын жоғалтқан әйелдерге арналған QADAM әлеуметтік жобасы қарқынды жүзеге асуда. Оның мақсаты – қиын сәтте қолдау көрсету ғана емес, болашаққа берік негіз қалдыру.
Бұл бастама Жылыой ауданында «Теңізшевройл» компаниясының Әлеуметтік инвестициялар бағдарламасы аясында іске асырылуда.
Жоба қатысушылары заманауи талаптарға сәйкес кәсіби білім алып, еңбек нарығында сұранысқа ие мамандықтарды игереді. Көптеген қатысушылар үшін бұл тек курс емес – қаржылық тәуелсіздік пен жеке даму жолындағы алғашқы қадам.
Осы қатысушылардың бірі – 32 жастағы бес баланың анасы Макина Мейрамовна Бактыгаліева. Соңғы 13 жыл бойы ол жұмыс істемей, толықтай отбасысына арнаған. Алайда QADAM жобасы аясында Макина визажист мамандығын меңгеріп, жаңа кәсіби жолын бастаған.
«Бұл жоба маған тек мамандық қана беріп қойған жоқ, сонымен бірге ертеңге деген сенімділік сыйлады. Мен өзімнің көп нәрсе істей алатынымды, өмірімді құруға күшім мен мүмкіндігім бар екенін сезіндім», – дейді Макина.
Жобаның қорытындысы бойынша он үздік түлектер өз кәсібін бастауға қажетті құрал-жабдықпен қамтамасыз етіледі. Бұл бизнесті бастауға нақты қолдау болып қана қоймай, әйелдердің қоғамдағы рөлін нығайтуға, олардың экономикалық және әлеуметтік тәуелсіздігін арттыруға бағытталған тағы бір қадам болады.
QADAM – бұл тек білім алу емес, бұл болашаққа қадам жасауға дайын адамдар үшін күшті серпін, жол қаншалықты қиын болса да.
