Мамыр айындағы мерекелер мен Жеңіс күні қарсаңында "Еркін ел ұрпағы" атты жалпыұлттық патриоттық диктант өтеді, деп хабарлайды AtyrauPress тілшісі.
Мақсат — ел егемендігі мен Тәуелсіздігін дәріптеу, ұлттық құндылықтар мен қасиеттерді бойына сіңірген ұрпақ тәрбиелеу. Сондай-ақ, мемлекеттік тілді білу деңгейін анықтау және сауатты жазу дағдыларын қалыптастыру да маңызды.
Шараны Ақпарат және қоғамдық даму, Оқу-ағарту, Ғылым және жоғары білім министрліктері мен жергілікті атқарушы органдар ұйымдастырады.
«Диктант республика бойынша 4 мамырда ағат 11.00-де өткізіледі. Оны офлайн және онлйн форматта өткізуге болады. Бастысы, өңір тұрғындарының кем дегенде 30 пайызы қамтылуы тиіс. Диктант бағаланбайды» дейді ұйымдастырушылар.
