Атырау қаласында «Қазақстандық білім беру және спорттық «ҚазРоботикс Федерациясы» республикалық қоғамдық бірлестігінің облыстық филиалы «JasScience» жобасы аясында робототехника бойынша «JasSpace Mega Sumo Tournament-2024» ашық турнир өтті.
Аталмыш ашық турнир - жастар арасында техникалық дағдыларды дамытып, жас робототехниктерге қолдау көрсетуді мақсат етті.
Сондай-ақ, турнир ашық авиа, авто зымыран модельдеу бағыттары бойынша ұйымдастырылып, онда жас робототехниктердің жұмысы сараланды.
Турнирге ауданымыздан Х.Санбаев атындағы орта мектебінің 11 сынып оқушысы Алмагүл Жексенбай қатысып, нәтижесінде «спорттық зымыран S6A» бағыты бойынша жүлделі I орынға ие болды.
Бұл ретте талантты жас роботехниктің жетекшісі Х.Санбаев атындағы орта мектебінің информатика пәнінің мұғалімі Нұршат Ғарифолла болашақта шәкірттінің осы салада толағай жетістіктерге жететіндігіне зор сенім білдірді.
Айта кетейік, турнир ҚР STEM білім беруді дамытудың 2021-2025 жылдарға арналған жол картасы аясында «Caravan of Knowledge», «Орталық Азияның Еуразия Қоры» және «Шеврон» компаниясымен жүзеге асырылды.
Ж.ҚАМЗА
