TILASHAR коллекциялық монеталары сатылымға шықты

(0 Votes)

Қазақстан Ұлттық Банкі 2022 жылдың 26 тамызынан бастап TILASHAR коллекциялық монеталарын сатылымға шығарды.

Монеталар ҚҰБ-тың kazcoins.nationalbank.kz платформасындағы интернет-дүкен арқылы сатылады.

TILASHAR монеталарының сипаттамасы:

Номиналы 500 теңгелік күмістен, номиналы 100 теңгелік мельхиордан және номиналы 100 теңгелік нейзильберден жасалған монеталар «Қазақстанның әдет-ғұрыптары, ұлттық ойындары» сериясын жалғастырады.

Тілашар – әр отбасының өмірінде көрініс табатын ерекше оқиғалардың бірі. Бұрын бұл ғұрып бала алғашқы сөздерді айта бастағаннан бастап жасалған. Бүгінгі таңда бұл дәстүр білім алу жолындағы алғашқы қадамды білдіреді. 

Монетаның негізгі бетінде (аверсінде), орта тұсында ою-өрнек үстінде Қазақстан Республикасының Мемлекеттік елтаңбасы, жиегінде QAZAQSTAN RESPÝBLIKASY • REPUBLIC OF KAZAKHSTAN деген жазу, төменгі жағында монета номиналын білдіретін сандар орналасқан.

Монеталардың екіші бетінде (реверсінде) мектеп атрибуты элементтері бар балалар суретінің бейнесі берілген, сонымен бірге, монета жасалған металдың сынамасы мен массасы, соғылған жылы көрсетілген.

Күмістен, мельхиордан және нейзильберден жасалған монеталардың бет жағы мен сырт келбетіндегі бейнелер бірдей. Күмістен жасалған монеталар түрлі-түсті эмаль жағу технологиясын қолдана отырып жасалған, мельхиордан жасалған монеталарда интерференциялық құбылмалы бет қабатын жағу технологиясы қолданылған.

Номиналы 500 теңгелік күмістен жасалған монетаның бейнесі

 til1

Номиналы 100 теңгелік мельхиордан жасалған монетаның бейнесі  

til2

Номиналы 100 теңгелік нейзильберден жасалған монетаның бейнесі  

til3

Дайындалған монеталар:

- 925/1000 сынамалы күмістен, proof сапамен жасалған номиналы 500 теңгелік монетаның массасы 24 грамм, диаметрі 37 мм, таралымы 5 000 дана;

- МН 25 мельхиор қоспасынан, brilliant uncirculated сапасымен жасалған номиналы 100 теңгелік монетаның массасы 15 грамм, диаметрі 33 мм, таралымы 30 000 дана;

- МНЦ 15-20 нейзильбер қоспасынан, brilliant uncirculated сапасымен жасалған номиналы 100 теңгелік монетаның массасы 11,17 грамм, диаметрі 31 мм, таралымы 100 000  дана.

Барлық монета нақты құнына сай Қазақстан Республикасының бүкіл аумағында төлемнің барлық түрі бойынша қабылдана береді, сондай-ақ Қазақстан Республикасының барлық банктеріндегі банк шоттарында аударуға, ұсақтауға және айырбастауға жатады.

Күмістен жасалған монеталар кәдесый орамында мемлекеттік тілде, орыс және ағылшын тілдерінде ҚҰБ-тың нөмірлік сапа сертификатымен шығарылады.

Коллекциялық монеталар Қазақстан теңге сарайында дайындалған.

БАҚ өкілдері толығырақ ақпаратты мына телефон арқылы ала алады:
8 (7172) 77–52–10

e-mail: Адрес электронной почты защищен от спам-ботов. Для просмотра адреса в браузере должен быть включен Javascript., www.nationalbank.kz

 

Арайлым Асылбекқызы,

«Қазақстан Республикасының Ұлттық Банкі» РММ Атырау филиалының қолма-қол ақшамен жұмыс және кассалық операциялар бөлімі басшысының орынбасары

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521