НЬОН. ҚазАқпарат – Криштиану Роналду 2019 жылғы УЕФА турнирлерінде қақпаға ең көп доп соққан футболшы атанды. Оның есебінде 21 гол бар. Соңғы онжылдықтың үздік ойыншысы 145 гол соққан. Бұл туралы ҚазАқпарат УЕФА ресми сайтына сілтеме жасап хабарлайды.
Криштиану Роналду Гарри Кейн мен Вивианна Мидеманы басып озып, жеті жыл ішінде осымен төртінші рет қақпаға ең көп доп соққан үздіктер қатарында тұр.
Роналду 2013, 2014 және 2017 жылдары клубтар мен құрамаларда УЕФА-ның барлық матчында көш бастап жүрді. Бірақ өткен жылы бұл титул Нидерланд жастар құрамасы мен «челсилік» Дайшон Реданға бұйырды. Сондай-ақ, 2019 жылы аталған титул УЕФА Чемпиондар лигасындағы «Ювентус» үшін жеті гол және УЕФА Ұлттар лигасының финалында Португалия құрамасы үшін Еуропалық іріктеу кезеңінде 14 гол соғып, Гарри Кейннен екі гол бөліп тұрған Роналдуға берілді.
«Арсенал» құрамасында ойнайтын голландиялық шабуылшы Вивианна Мидема үшінші орынды жеңіп алды. Барлығы 9 ойында (2019 жылдың тамызынан бастап) ол Әйелдер Чемпиондар лигасында - он гол, ал әйелдер командалары арасында ЕУРО-2021 квалификациясында - сегіз гол соқты. Жалпы алғанда, әйелдер арасындағы Әлем кубогының финалисі Мидема клуб пен ұлттық құрама үшін 53 гол соқты, бұл - әйелдер арасындағы ең үздік көрсеткіш. Роберт Левандовски - ерлер арасындағы ең көп гол соғушы. Оның соққан голының саны – 54.
Левандовски тек Рахим Стерлингтен жеңіліп, кестеде бесінші орын алды. Ол Ренан Мантеллимен Чемпиондар лигасындағы футзалда кипрлік «Омония» үшін 16 гол жіберіп, бір қатарда тұр.
