14-17 ақпан аралығында Астана қаласында дзюдодан жасөспірімдер арасында Қазақстан Республикасының чемпионаты өтіп жатыр. Ел біріншілігі елордадағы Жақсылық Үшкемпіров атындағы жекпе-жек сарайында ұйымдастырылып, 2006-2007 жылы туған жасөспірімдер қатысуда.

Жарыста -40 кг, -44 кг, -48 кг, -50 кг, -52 кг, -55 кг, -57 кг, -60 кг, -63 кг, -66 кг, -70 кг, +70 кг -73 кг, -81 кг, -90 кг, +90 кг келі салмақ бойынша ұл-қыздар татами төрінде бақ сынауда.

Чемпионатқа аудан атынан қатысқан 3 дзюдошының ішінде Мақат балалар жасөспірімдер спорт мектебінің және Олимпиада резервін дайындау орталығының тәрбиеленушісі Нұрбек Зауза 73 келі салмақ дәрежесінде ІІ орынға ие болса, Бақтығали Заманбек жеңіліс тапты.

Күміспен күптелген Нұрбектің жаттықтырушысы Ерлан Шынтасов шәкіртінің бұл жетістігіне дән риза.

Ал бүгін 16 ақпан күні Жарқынбек Мейрамбекұлы жарыс жолына шығып, жеңіс үшін барын салатын болады.

М.ІЗТҰРҒАНОВА