Жергілікті көрерменнің көзайымына айналған өнер ұжымдарының бірі – аудандық мәдениет үйі жанындағы Халықтық ұлт-аспаптар оркестрі.

Олар қараша айының соңында облыстық Халық Шығармашылығы орталығында «Көркемөнерпаздар ұжымдарына «Халықтық» (үлгілі) атағын беру қағидаларын бекіту туралы» Қазақстан Республикасы 2007 жылғы 28 наурыздағы №93 бұйрығына сәйкес, «Халықтық» атағын қайта рәсімдеу үшін комиссия отырысына қатынасып, атақтарын абыроймен қорғап қалды. Оркестрге облыстық ғылыми-әдістемелік, халық шығармашылығы мен мәдени демалыс қызметтерін ұйымдастыру орталығының басшысы Жәнібек Аманиязовтың атынан ауданның ұлт-аспаптар оркестрінің «Халықтық» атағы 2022 жылдың 25 қараша №05-08-3/84н бұйрығымен қайта рәсімделгенін растайтын куәлік табыс етілді.

Ауданымыздың атын асқақтатып жүрген өнерпаздарымызды өз мықтылықтарын қайта дәлелдеулерімен құттықтап, алдағы уақытта да шығармашылық табыстар тілейміз!

 А.Есжан