"Мен құтқарушымын" тақырыбында «Балалар» жылына орай аудандық Төтенше жағдайлар бөлімі мен №8 Өрт сөндіру бөлімінің ғимаратында танымдық квест-ойыны ұйымдастырылды. Мақат кентінде орналасқан білім ордаларындағы 11 сыныптың ер балаларының қатысуымен өткен сайыс «Азаматтық қорғау Академиясы күні» аясында М.Ғабдуллин атындағы оқу орнына үміткерлерді іріктеуді мақсат етті.
Аталған іс-шараға 7 оқушыдан құралған «Қарсақ», «Барыс» және «Ойыл» командалары қатысты. Іс-шара барлығы үш бөлімнен құралып, ойын тартысты да қызықты өтті.
Танымдық квест-ойынының қорытындысы бойынша М.Баймұханов атындағы орта мектебінің «Барыс» командасы І орын, Л.Шахатов орта мектебінің «Қарсақ» командасы ІІ орын, М.Баймұханов атындағы орта мектебінің «Ойыл» командасы ІІІ орынға ие болды. Барлық қатысушыларға диплом және естелік сыйлықтар табыс етілді.
С.Елеубаева,
аудандық Төтенше жағдайлар бөлімінің бас маманы,
а/қ майоры
