Атыраулық таеквондошылар Словения астанасы Любляна қаласында өткен "Slovenia Open" рейтингілік турнирінде бір алтын және бір қола медальге қол жеткізді, деп хабарлайды Өңірлік коммуникациялар қызметі.
25-26 ақпан аралағында өткен додаға G-1 санатындағы әлемнің 50 елінен 1000-ға жуық спортшы қатысты.
- Сәуле Сардарова бастаған облыс спортшылары жақсы өнер көрсетті. Мария Севостьянова 57 келі салмақта алтын медальды жеңіп алды. Ал, 67 келі салмақта сынға түскен Нұрай Хұсайынова қола медальды еншіледі, - деді облыстық Дене шынықтыру және спорт басқармасы басшысының міндетін атқарушы Нұржауған Төлеуова.
Қазақстандық таэквондошылар турнирде 5 алтын, 7 күміс, 13 қола медаль иеленіп, жалпы есепте көш бастады.
Айта кетейік, Словенияда өткен бұл жарыс мамыр айында Әзірбайжан елінде өтетін әлем чемпионатына іріктеу болып табылады.
