Мақат мұнай және газ технологиялық колледжінде аудандық жастар ресурстық орталығының ұйымдастыруымен студенттерге арналған «Ерікті болу – ерлік» атты семинар – тренинг өткізілді.
Шара жастардың саяси-әлеуметтік мәдениетін және ерікті азаматтық белсенді ұстанымын қалыптастыруды мақсат етті. Биылғы жыл еріктілер жылы деп жарияланды. Яғни, біздің елдегі еріктілердің ерік-жігерін жанитын жыл болмақ.
Тренинг барысында орталық мамандары «ерікті» сөзіне тереңірек тоқталып, түсінік берді. Кейін студенттер «Ерікті дегенді қалай түсінесіз?» сұрағы төңірегінде ой бөлісіп, пікір алмасты. Өз бастамаларын, ұсыныстарын айтып, жоба қорғады.
Тренинг соңында колледждің ерікті студенттер тобы құрылды. Алдағы уақытта еріктілер қоғамдық жұмыстарға белсенді араласуға уағдаласты.
Өз тілшіміз
