Бүгін Доссор мәдениет үйінде спорт күніне арналған салтанатты іс-шара өтті.
Шараның ашылу салтанатында аудан әкімінің міндетін уақытша атқарушы Әсел Шайзадақызы құттықтау сөз сөйлеп, ауданда бұқаралық спортты дамытуға ерекше мән беріліп келетіндігін атап өтті.
Сондай-ақ, аудан абыройын асқақтатып жүрген споршылардың еңбегіне тоқталып өтіп, бірқатар спортшыларды облыс және аудан әкімінің алғыс хатымен марапаттады.
Құттықтаулар легін жалғаған спорт ардагері Табылды Демешұлы спортшылардың әрбір жеңісі - ұлт рухын көтеретін баға жетпес жетістік екендігін жеткізді.
Мерекелік шара аудан көркемөнерпаздарының концерттік бағдарламасымен жалғасын тапты.
Ә.ҚАСЫМ
Суреттер авторы: Б.СЕРІК
