Аудан әкімі Азамат Мәмбетов ауданның қысқы кезеңге дайындығы бойынша жиын өткізді.
Жиынға аудан әкімінің орынбасарлары, кент, округ әкімдері мен дербес бөлім басшылары қатысып, күн тәртібінде ауданның қысқы кезеңге дайындығы туралы бір мәселе қаралды.
Аталған тақырып бойынша аудандық тұрғын үй-коммуналдық шаруашылық жолаушылар көлігі, автомобиль жолдары және тұрғын үй инспекциясы бөлімінің басшысы мен кент, округ әкімдері баяндады.
Аудан басшысы қысқа дайындық жұмыстарының маңыздылығын айта келе, аталған жұмыстарды тиісті деңгейде орындамаған жауапты мекемелерге шара қолданылатындығын ескертті.
Сондай-ақ, жауапты мекеме басшыларына нақты тапсырмалар жүктеп, оның орындалысы бақылауда болатындығын жеткізді.
Ә.ҚАСЫМ
