Доссор мәдениет үйінде кент әкімінің "Доссор кентінің 2020 жылғы әлеуметтік-экономикалық даму қорытындылары және 2021 жылға міндеттері туралы" қорытынды есебі тыңдалуда.
Кент әкімі Болат Ермековтың айтуынша, 2020 жылы жеке тұлғалардан үй, тұрақты жұмыс және тағы да басқа мәселелер шешуді, тұрғын үй және нысандар салу үшін жер, өз жерлеріне қосымша жер және қосымша бөлме салуға рұқсат сұраған мәселелер бойынша бардығы 158 арыз түскен.
Соның ішінде: Қазақстан Республикасының «Жеке және заңды тұлғалардың өтініштерін қарау тәртібі туралы» Заңына сәйкес, 110 арыз үш жұмыс күннен кешіктірілмей тиісті субъектілерге жіберіліп, бұл туралы өтініш берушілерге жазбаша хабарламалар жолданған. Әр мәтінде жазылған 48 өтініш иелеріне жазбаша түсінік берілген.
«Сонымен қатар, кент әкімдігінің №12 бөлмесінде өз-өзіне қызмет көрсету бұрышында электрондық қолтаңба арқылы Еgov.kz сайтымен 3258 қызмет көрсетілді», - деді Болат Амангелдіұлы.
