Аудандық жастар ресурстық орталығында “Қазақша куиз” интеллектуалды сайысы өтті.
Сайыс қазақ тілін, тарихын, салт-дәстүрін, әдет-ғұрпын, ғылымын, өнерін, әдеби мұраларын насихаттау және ұжыммен бірлесе жұмыс істеу дағдыларын арттыру мақсатында ұйымдастырылды.
«Қазақша куиз» интеллектуалды сайысына әр саладан жиналған мемлекеттік қызметшілер қатысып, алты кезең бойынша өзара бақ сынады.
Тартысқа толы ойын нәтижесінде “Әйнекті аудан” командасы ІІІ орынға, “Болашақ” командасы ІІ орынға ие болды. Ал, қарсыластарынан оқ бойы оза шапқан “Ақ үйдегілер” командасы І орынды қанжығасына байлады.
Ойын соңында барлық командалар аудан әкімінің алғыс хаты және дипломымен, сонымен қатар естелік сыйлықтармен марапатталды.
Ботакөз Асхатқызы
