Аудан әкімінің өкіміне сәйкес күз мезгілінде өтетін дәстүрлі санитарлық тазалықтың екі айлығы басталды. Тазалық маусымы 27 қыркүйек пен 22 қараша аралығында өтеді.
Көрікті мекеніміздің келбеті тек сәнді де сәулетті ғимараттармен, жасыл желекті саябақтармен өлшенбейтіні белгілі.
Осы ретте аудан әкімі Шәкір Кейкиннің төрағалығымен аудан бойынша санитарлық тазалықты қамтамасыз ету туралы жиын өтті.
Жиын барысында «Ауданда күзгі көркейту-көгалдандыру және санитарлық тазалық жұмыстарының екі айлығын жариялау туралы» аудан әкімінің өкімі қабылданғандығы ескеріліп, арнайы іс-шаралар жоспары бекітілді. Айналаның тазалығына барша тұрғындар атсалысқанда ғана ретке келерін айтқан аудан басшысы айлықтың өту барысына қатысты пікір мен ұсыныстарға да кезек берді. Сонымен қатар, тазалыққа шақыру акцияларын ұйымдастыра отырып, бекітілген сенбілік уақтылы, тиісті деңгейде атқарылуы тапсырылды.
Е.МЫРЗА.
