Осындай атаумен баспаханадан жаңа кітап басылып шыққандығы жөнінде бұрын да оқырмандарымызды хабардар еткен болатынбыз.
Өткен аптаның жұмасы күні «Атырау-Ақпарат» баспасөз клубында Қазақстан Журналистер одағының мүшесі, өлкетанушы, Мақат ауданының құрметті азаматы Айбосын Елеусіновтың туғанына 80 жыл толу құрметіне орай еске алу кеші өтті.
Бұл күні «Атырау-Ақпарат» мұражайына қаламгердің кітаптары, тұтынған заттары, құжаттары және марапаттары қойылды. Кеште жерлесіміздің өмір жолы көрсетілген бейнебаян ұсынылып, қатарластары мен үзеңгілес жолдастары естеліктер айтылды.
Кеш соңында Айбосын Елеусіновтың Кеңес Одағының Батыры Муса Баймұқанов туралы жазған «Батыр Муса байрағы» атты кітабының тұсауы кесілді. Ұйымдастырушылар тарапынан кітап Ғ.Сланов атындағы облыстық ғылыми-әмбебап кітапханасына табыс етілді.
А.Жұмабекұлы
