Аудандық мәдениет үйінде өлке ақыны, композитор Ғиззат Бисеновтың «Өнерім-өмірім» атты шығармашылық кеші өтті.
Кеште құттықтау сөз сөйлеген аудан әкімі ақынның шығармашылық жолына тоқтап, ауданның мәдениеті мен өнерін дамытуға қосқан зор үлесі үшін алғысын білдірді.
Сондай-ақ, еңбек жолына шығармашылық табыс тілеп, аудан әкімінің арнайы алғыс хатын табыс етті.
Әрі қарай шығармашылық кеште ақынның кітабының салтанатты түрде тұсау кесер рәсімі өтіп, концерттік бағдарлама көрермен назарына ұсынылды.
Ә.ҚАСЫМ
