Жаңа жылдың бастауы саналатын, табиғатқа жан бітіріп, тіршілікті түлететін Наурыз мейрамы ауданымыздағы орталық алаңда тойлануда.
Мерекеге орай алаңда киіз үйлер тігіліп, алтыбақан тұрғызылған.
Жаңғырудың нышаны саналатын мерекеде салт-дәстүрімізді насихаттай отырып, көпшілік ұлттық ойындарды ойнауда.
Одан бөлек, келген жылымызда молшылық болсын деген ниетте қазан асылып, келген жұртшылық наурыз көжеден ауыз тиюде.
Сондай-ақ, мерекелік шараның негізгі бөлімі аудан өнерпаздарының арнайы дайындалған мерекелік концерт, қойылымдарымен жалғасын табуда.
Ә.Қасым
