Мемлекет басшысы Қасым-Жомарт Тоқаев алғашқы Жолдауларының бірінде бұқаралық спортты дамыту мәселесіне баса назар аударған болатын. Бүгінде Президент тапсырмасының жүзеге асуы - спортшылардың жеткен жетістіктерінен-ақ көрініп жүр.
Жақында Құрманғазы ауданында елімізге белгілі ақын Жұмекен Нәжімеденовтің рухына арналған бокстан 2011-2012 жылы туған жасөспірімдер арасындағы республикалық ашық турнир өтті.
Турнирге Доссор балалар жасөспірімдер спорт мектебінен 9 спортшысы қатысып, байрақты бәсекеде сынға түсті.
Нәтижесінде атмалмыш спорт мектебінің оқушысы Нұрасыл Ерланұлы 43 кг салмақ дәрежесінде II орынды, Салауат Мұратшин 40 кг салмақ дәрежесінде III орынды еншілеп, жеңіс тұғырынан көріне білді.
Айта кетейік, осы сайыста жүлделі орын алған спортшылардың жетістігінде бапкерлері Нұрберген Нұржанұлы мен Сәндібек Сақтановтың еңбегі орасан.
Ә.ҚАСЫМ
