Атырау қаласында 18-25 желтоқсан аралығында «Спорт нашақорлыққа қарсы» ұранымен колледж мұғалімдерінің арасында облыстық спартакиада өтті.
Облыстық білім беру басқармасының ұйымдастыруымен өткен жарысқа 11 команда қатысты.
Олар спорттың 6 түрі бойынша (тоғызқұмалақ, баскетбол, теннис, волейбол, шахмат, гандбол) бақ сынасты.
Аталмыш сайысқа Мақат мұнай және газ технологиялық колледжінің ұжымы атсалысып, спорттық белсенділіктерін таныта білді.
Жарыс қорытындысы бойынша колледж ұжымы теннис спорт түрінен І орын, волейболдан І орын, шахматтан І орын, гандболдан ІІІ орынға ие болып, жалпы командалық есеп бойынша ІІІ орынға жайғасты.
Ал, Индер көп бейінді ауыл шаруашылық колледжі ІІ орынмен марапатталса, Каспий өңірінің қазіргі заманғы колледжі жарыс жеңімпазы атанды. Барлық жеңімпаздар кубок, медаль және арнайы дипломдармен марапатталды.
М.ІЗТҰРҒАНОВА.
