Республикалық «Qazaqstan Jastar Fest» челленджі аясында ауданның 95 жылдығына және жастар жылына орай ерлер арасында марафон өткізілді. Салауатты өмір салтын ұстануға бағытталған марафонға 70-ке жуық адам атсалысып, спорттық шараның көрігін қыздырды.
Ашылу салтанатында сөз алған аудан әкімінің орынбасары Х.Төлеуішов қатысушыларға сәттілік тіледі.
Марафонда «Нұр Отан» ғимаратының алдынан «Мақат желілік өндірістік басқармасына» дейінгі 3,5 км қашықтықты қамтыды.
Нәтижесінде, 14-17 жас аралығындағы жасөспірімдер арасында 3-орынды Р.Қазбеков, 2-орынды М.Зарлыханов иеленсе, 1-орынды А.Тоқтабаев иемденді.
Ал, ауданда алғаш рет 7 км қашықтықта 18 жастан жоғары қатысушылар арасынан мәре сызығын алғаш боп кесіп өткен П.Құлмұханов болды. Ол аталған қашықтықты 28 минут 22 секундта жүгіріп жетті. Ал, 2-орынды А.Давлеталиев иеленсе, А.Құлсариев 3-орынды иеленді.
Жеңімпаздар диплом мен медальдармен, қаржылай сыйлықтармен марапатталды.
А.ТАУМҰРЫНОВА,
суреттер автордікі.
