Астана қаласында Қазақстан Республикасы Туризм және спорт министрлігі ұйымдастырған 2024 жылдың қорытындысы бойынша «Үздік 2024” спорт премиясы өтті.
Аталмыш шарада ел абыройын асқақтатып, жеңіс тұғырынан көрінген спортшылар және оған үлес қосқан азаматтар мен спорт бөлімдері бірқатар аталым бойынша марапатталды.
Олардың қатарында Дене шынықтыру және спорт саласының 2024 жылғы қорытындысы бойынша “Аудандық үздік дене шынықтыру және спорт бөлімі” номинациясының жеңімпазы Атырау облысы “Мақат аудандық мәдениет, тілдерді дамыту, дене шынықтыру және спорт бөлімі» атанып, аудан абыройы асқақтады.
Ауданның спорт саласының қарқынды дамуына және жоғары нәтижелер мен көрсеткіштерге қол жеткізуіне үлес қосып жүрген Мақат аудандық мәдениет, тілдерді дамыту, дене шынықтыру және спорт бөлімін бүгінгі марапатымен құттықтаймыз!
Ә.Қасым
