Жақында Индер ауданында спорт ардагері, бокстан халықаралық дәрежедегі IBA төрешісі Ермұқан Алтыбай Намазұлының құрметіне арналған бокстан 2010-2021, 2012-2013 жылы туған кіші жасөспірімдер арасында республикалық турнир ұйымдастырылды.
Аталған жарысқа Доссор балалар мен жасөспірімдер мектебінің 14 спортшысы қатысып, бақ сынады.
Нәтижесінде, еліміздің әр қаласынан жиналған кіл мықтылар арасында жерлесіміз А.Азаматұлы жүлделі II орынды алып, қоржынға күміс медальды салды. Ал С.Мұратшин мен А.Нұрадин III орынды еншілеп, мұнайлы өлкенің мерейін асқақтатты.
Жас былғары қолғап шеберлерінің бапкері Сәндібек Сақтағанов шәкірттері әлі талай белестерді бағындыратынына бек сенімді.
Ә.ҚАСЫМ
