Аудандық мәдениет үйінде мектеп жасына дейінгі балалар шығармашылығының аудандық «Айгөлек» фестивалі өтті. Байқау 5 жанр бойынша бағаланды.
Олар: вокал,театрлық-сахналық қойылым, хореография, саз аспаптарында ойнау, мәнерлеп оқу. Байқауға ауданның 9 балабақшасынан ең үздік деген тәрбиеленушілері келген. Олар ән айтып, би билеп өнерлерін ортаға салды. Ал, балалар оркестрі шығармалар орындап, көрермен ықыласына бөленді. Сондай-ақ, сахналық қойылымдары да, ертегі кейіпкерлерінің бейнесі де шебер сомдала білді.
Фестиваль қорытындысында вокал жанры бойынша 3-орынды «Сандуғаш» балабақшасы, «Нұрбөбек» пен «Ботақан» ясли бақшасы, 2-орынмен №54 балабақшасы мен «Балбөбек» бөбекжай балабақшасы марапатталса, 1- орынды «Болашақ» бөбекжай-балабақшасы иеленді. Театрлық-сахналық қойылым бойынша 3-орынмен «Амина-Әсел» ясли-бақшасы мен «Ботақан» ясли-бақшасы, «Қарлығаш» бөбекжай-балабақшасы, 2-орынды «Балбөбек» пен «Болашақ» бөбекжай-балабақшасы иеленсе, 1-орынмен «Нұрбөбек» бөбекжай-балабақшасы марапатталды.
Ал, мың бұрала билеп, ерекше көзге түскен «Қарлығаш», «Болашақ», «Нұрбөбек» бөбекжай-балабақшалары 3 -орынды иеленсе, 2 -орынмен «Сандуғаш», «Балбөбек» бөбекжай-балабақшасы марапатталып, жеңімпаздар қатарынан Бәйгетөбе мектеп-бөбекжай кешені марапатталды. Саз аспабында ойнау жанры бойынша 3-орынды «Нұрбөбек» пен «Қарлығаш» бөбекжай-балабақшасы, 2-орынды «Сандуғаш» бөбекжай-балабақшасы, 1-орынды №54 бөбекжай-балабақшасы иеленді. Мәнерлеп оқудан 3-орынға Бәйгетөбе мектеп-бөбекжай кешені, №54 бөбекжай-балабақшасы мен «Балбөбек» бөбекжай-балабақшасы ие болып, 2 орынға "Амина-Әсел" ясли-бақшасы мен "Нұрбөбек" бөбекжай балабақшасы, 1-орынға «Сандуғаш» бөбекжай-балабақшасы қол жеткізді.
А.ТАУМҰРЫНОВА,
суреттер автордікі
