Бүгінде басшылық тарапынан аудан спортшыларына бөлініп жатқан көңіл аз емес. Бапкерлердің төгілген тері мен жұмсалған қажыр қайратын ақтап, ел намысын  биіктетіп жүрген жеңімпаздардың қатары күннен күнге көбейіп келе жатқаны көңілімізді қуантады.

  Соның бір жарқын үлгісіндей жерлесіміз Сайранов Ерасыл таяуда көршілес Ресейдің Астрахань қаласында өткен жасөспірімдер арасындағы еркін күрестен аймақаралық "Астрахань жұлдыздары" турнирінде 68 кг салмақта топ жарып жүлделі бірінші орынға ие болды. Бұл күнде Л.Шахатов орта мектебінің 8 сыныбында оқып жатқан  Ерасыл кішкентай кезінен ауданымыздағы жасөспірімдер және балалар спорт мектебінде жаттығады. Палуанымыздың Бапкері А.Джугинисов мақтанышымыздың болашағынан зор үміт күтетінін жасырмады.

 А.Садыков