Жақында облыстық білім беру басқармасының әдістемелік орталығының ұйымдастыруымен 7-8 сынып оқушылары арасында асық ату спорты бойынша облыстық ұлттық мектеп лигасы өтті.
Аталған спортық жарысқа облыстың түкпір-түкпірінен жиналған 9 команда қатысып, өзара бақ сынасты.
Тартысқа толы ойын нәтижесінде «Асық ату» жене «Бес асық» спорттық ойындары бойынша ауданның ұлдар және қыздар командасы үздік шығып, І орынды қанжығасына байлады.
Ендігі кезекте, облыстық мектеп лигасында топ жарған аудан асықшылары мамыр айында Орал қаласында өтетін республикалық чемпионатта бақ сынайтын болады.
Ботакөз Асхатқызы
