Қызыққа жаны құмар жастар қыстың қытымыр аязы да бас біріктіруге кедергі болмайтындығын көрсетті. Көңіл толқынын сергітіп, жаңа достар табу мақсатында Мақат кентіндегі вокзал маңында орналасқан саябақта “Құпия тапсырма” квест ойыны ұйымдастырылды. Әрқайсысы 4 қатысушыдан тұрған «Улыбка» және «Элита» топтары «Мақат аудандық жастар ресурстық орталығының» жанынан құрылған «Шедевр» тобының мүшелері жасырған тапсырмаларды орындады.
«Біздің мақсатымыз – жастарды қолдап, дамуларына үлес қосу. Бұл ойынға қатысқан қатарластарымыз өзара бірлесіп жұмыс жасауы - үлкен жетістік», - дейді квест ойынын өткізушілердің бірі Мөлдір Ақмурзина.
Сайыс соңында әрбір қатысушы ерекше номинациялармен марапатталып, жеңген топ алдағы уақытта ұйымдастырылатын ақылы шараларға 50% жеңілдікпен қатысу мүмкіндігіне ие болды.
Е.Асылбек
