Бүгін отбасын қолдау орталығында 15 мамыр – Халықаралық отбасы күніне орай «Ұлағатты отбасы – ұлт құндылығы» тақырыбында кездесу ұйымдастырылды.
Кездесуге қатысқан аудан әкімінің міндетін атқарушы Әсел Шайзадақызы өңірдегі мерейлі отбасыларды көпшілікке таныстырып, атаулы мерекемен құттықтады.
Сондай-ақ, кездесуде ауданымыздағы көпке үлгілі жанұялар отбасы құндылықтарын дәріптеудің маңыздылығы, ұрпақ тәрбиесіндегі ата-ананың рөлі және еңбек адамының қоғамдағы орны жөнінде өмірлік тәжірбиелерімен бөлісті.
Жалпы кездесу барысында ұлттық тәрбие мен отбасы құндылықтарын сақтаудың өзектілігі сөз болып, жаңадан шаңырақ көтерген жас отбасыларға ақыл-кеңестер берілді.
Шара соңында мерейлі отбасыларға аудан әкімінің міндетін атқарушы Әсел Шайзадақызының арнайы алғыс хаты мен естелік сыйлықтары табысталды.
Ж.Қамза
Сурет автордікі
